Breaking News

Afg’on hukumati Trampning so’nggi so’zlari xususida izoh so’radi


Prezident G'ani va Bosh vazir Abdulla, Kobul

AQSh rahbari Donald Tramp 2-yanvar kuni Oq uyda so'zlar ekan, mintaqa davlatlari Afg’onistonda terrorizmga qarshi kurashish bo’yicha ko’proq hissa qo’shishi kerak, deya Pokiston va Rossiyani tilga oldi. U Sovet ittifoqi tarqab ketishiga Afg’onistondagi urush sabab bo’lgan, deya ta’kidladi.

“Hindiston o’sha mintaqada, Rossiya o’sha yerda. Sovet ittifoqini Rossiyaga aylantirgan ham Afg’oniston. Chunki Rossiya Afg’onistondagi urushni yutqazdi. Pokiston o’sha yerda. Ular Afg’onistonda jang qilishi kerak. Rossiya o’sha yerda jang qilishi kerak”,- deydi Tramp.

Prezident Tramp Afg’onistonda bir-biriga qarshi jang qilayotgan Tolibon va “Islomiy davlat” jangari o’rtasidagi to’qnashuvlarga aralashmaslik lozim, deydi.

Bu fikrlarga afg'on hukumati jumladan shunday munosabat bildirdi:

“Sovet ittifoqi (hozirda tarqab ketgan) Afg’onistonga bostirib kirganida afg’onlar o’z to’prog’ini himoya qilib “jihod” qilgan”.

“Chiqishlar va rasmiy pozitsiya o’rtasida farq bor. Biz AQShdan ba’zi chiqishlar va rasmiy pozitsiya haqida izoh so’raganmiz. Yaqin kunlarda javob keladi degan umiddamiz”,- deya bayon qildi prezident saroyi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG