Breaking News

AQSh: Rossiya, Eron amerikalik saylovchilar haqida axborot o'g'irlagan


Erta ovoz berayotgan amerikaliklar

AQSh Milliy razvedka idorasi direktori Jon Ratklif 21-oktabr kuni jurnalistlar bilan muloqot qilar ekan, Rossiya va Eron amerikalik saylovchilar haqida axborot o'g'irlagan, dedi.

Ratklif va Federal Qidiruv Byurosi rahbari Kris Rey deydiki, saylovlarga aralashgan davlatlar jazosiz qolmaydi.

"Eron va Rossiya alohida ravishda bizning saylovchilarimiz xususida informatsiyani qo'lga kiritganini tasdiqladik", - deydi Ratklif.

"Eron allaqachon qo'lidagi ma'lumotlarga tayanib, yurtdoshlarimizga elektron xatlar yubora boshlagan, Maqsadi - bizning tizimga qarshi ig'vo qilish va Prezident Trampni qoralash."

O'tgan 24 soat ichida noma'lum adresdan saylovchiga kimga ovoz bersa, nima bo'lishi mumkinligi haqida xatlar kelgan bo'lsa, ularning ma'lumotlari shu ikki davlatdan birining qo'lida bo'lishi mumkin, deydi rasmiylar.

Masalan, ayrimlarga, "Prezident Trampga ovoz bermasangiz..." degan mazmundagi va Amerika davlat rahbarini qo'rqinchli shaxs sifatida tasvirlovchi xatlar borgan.

Razvedka rasmiylarining xavotir bildirishicha, Rossiya va Eron Amerika jamiyatidagi turli guruhlarni yaqindan kuzatib, ularning nomidan odamlar orasida yolg'on ma'lumotlar tarqatib, mamlakatda ijtimoiy bo'hronlarga turtki berishga harakat qilmoqda.

Ayrim demokratlar Ratklifni saylovdan oldin bunday ogohlantirishlar qilib, Trampga yordamlashishga urinayotganlikda ayblamoqda. Ratklif esa haqiqatni bayon qilayotganini aytadi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG