"Amerika Ovozi" yaqinda O’zbekistonning Innovatsion rivojlanish vazirligida bo'ldi. Vazirlik pandemiya davrida yanayam ko’proq e’tiborda, ayniqsa koronavirusga qarshi vaksina sinovlarini o’tkazayotgani uchun. Innovatsiya o’zi nima? Ilmiy taraqqiyotmi yoki iqtisodiy? Har ikkisi, deya javob qiladi vazir Ibrohim Abdurahmonov. Ixtirolarga asoslangan iqtisodiyot barpo etish uchun hozirgacha nima ishlar qilindi? Buyog’iga endi qanday qadamlar tashlanadi? Pandemiyadan chiqishga urinayotgan dunyo innovatorlarga muhtoj. O’zbekiston olimlari va ishbilarmonlari global maydonda bellasha oladimi? Respublikaning Innovatsion rivojlanish vaziri bilan keng qamrovli muloqotimiz ikki qismdan iborat. Har ikkisi shu kanalda.