Breaking News

Husni Muborak prezidentlikdan ketadi, lekin hozir emas


Qohiraning "Tahrir" markaziy maydoni, 1 fevral 2011
Qohiraning "Tahrir" markaziy maydoni, 1 fevral 2011

Misrni 1981 yildan beri boshqarib kelayotgan, yaqinda 83 yoshni qarshilaydigan Husni Muborak millionlab fuqarolar qarshiligiga qaramay prezidentlik kursini hozircha bo'shatmoqchi emas.

"Sentabr oyida rejalangan saylovlarda o'z nomzodimni qo'ymayman. Hozirgi muddatimni tugallab, iste'foga chiqaman", - dedi Muborak, uning hokimiyatdan ketishini talab qilayotgan xalqqa murojaat qilar ekan.

Husni Muborak xalqqa murojaat qilib, "Sizga sidqiqildan xizmat qilib kelayapman va muddatim bitmaguncha prezidentlikdan ketmayman",- dedi.
Husni Muborak xalqqa murojaat qilib, "Sizga sidqiqildan xizmat qilib kelayapman va muddatim bitmaguncha prezidentlikdan ketmayman",- dedi.

"Men sizga sidqidildan xizmat qildim va qilishda davom etaman. Vatanimiz ravnaqi uchun jonimni berishga tayyorman. Shu zaminda hayotdan ko'z yumishni istayman",- deydi Muborak.

Misrda omma davlat rahbariga qarshi bosh ko'targaniga sakkiz kun bo'ldi. Poytaxt Qohiradagi markaziy "Tahrir" maydonida 1 fevral kuni bir milliondan oshiq odam to'planib, prezident va uning uzoq yillik siyosatini qoraladi.

Ayni damlarda ham maydon haloyiqqa to'la. Misrning boshqa shaharlari, jumladan Aleksandriyada ham namoyishlar avjida. Taxminan sakkiz million kishi qozg'olonda qatnashayotgani ma'lum.

Odamlar qo'lida "Diktatorning kuni bitdi", "Muborak, ket", 'Qonxo'r rahbarga boshqa toqat yo'q", "Misr xalqi erkinlik istaydi", "Xalqning sabri bitdi" degan yozuvlar ko'rasiz.

Bugungi nutq Husni Muborakning namoyishlar boshlanganidan beri ikkinchi murojaati.

G'alayonlar boshlangach, u ommani tinchlantirishga urinib, vazirlar mahkamasini tarqatib yuborgan, atrofidagi odamlarni yangilagan edi, hatto ilk bor vitse-prezident ham tayinladi.

Lekin namoyishlar avj olsa olyaptiki, tinmayapti. Bugungi murojaatidan keyin ham odamlarning g'azabi yanada oshgani kuzatilmoqda. Namoyishchilar Muborakka ishonch yo'q deydi.

"30 yil qonimizni ichdi. Yana bizdan sabr so'ramoqda. Sabrimiz bitgan", -deydi faollar.

Muxolifat birlashishga harakat qilib, o'ziga Muhammad al-Barodiy, xalqaro maydonda tanilgan arbobni tanlagan.

Uzoq yillardan beri man etilgan Musulmon Birodarlar diniy-siyosiy harakati va dunyoviy tuzum tarafdorlaridan tashkil topgan oppozitsiya Husni Muborak ishdan ketsa, armiya bilan muzokara boshlashga, muvaqqat hukumat tuzishga tayyor ekanini bildirgan.

Armiya Misr davlati va xalqiga sodiqligini bayon qilib, namoyishlarni kuzatmoqda. Hech bir fuqaro o'qqa olinmaydi, deyiladi harbiy e'londa.

Qo'shma Shtatlar, Misrning eng yirik ittifoqchisi, Husni Muborak saylovda boshqa nomzodini qo'ymaslikka qaror qilganidan mamnun. Uning prezidentlikdan ketishiga chaqirmagan.

Oq Uy Misr kelajagi uning xalqi qo'lida deyish bilan cheklanmoqda.

Vashington Qohiraga maxsus vakili Frank Visnerni yuborgan. Keksa diplomat, Misrdagi sobiq elchi prezident Muborak bilan uchrashgan. Ayrim manbalarga ko’ra, AQSh vakili Muborakka hokimiyatdan ketish eng ma’qul yo’l deya maslahat bergan.

Lekin Kongressda "Muborak ketishi kerak" degan fikrlar yangramoqda. Demokrat senator, Tashqi aloqalar qo'mitasi raisi Jon Kerri nazarida Misr rahbari xalq norozi ekanini tan olib, lavozimni bo'shatishi kerak.

Namoyishlarda shu kungacha qariyb 100 kishi halok bo'lgan.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG