Yevropa Tramp bilan hozircha til topisha olmadi

  • Amerika Ovozi

Italiya, 26-may, 2017

Oq uy Donald Trampning prezident sifatidagi ilk xorijiy safarini ulkan muvaffaqiyat deb atab, to'qqiz kunlik sayohatini Amerika uchun bebaho yutuq deya talqin qilmoqda.

Prezident Tramp Italiyada AQSh qo'shinlari oldida so'zlar ekan, ittifoqchilar bilan aloqalar a'lo, deya da'vo qildi.

Biroq Yevropa Ittifoqi va uning rahbarlari bunday fikrdan juda yiroq. Germaniya Kansleri Angela Merkel fikricha, Tramp ma'muriyati va Britaniyaning blokdan chiqayotgani ikki yirik tahdiddir. Uning nazarida Tramp siyosati aloqalarni barbod qilishi mumkin. Amerika o'z global vazifalarini chetga surib, faqat o'zining foydasini o'ylaydigan tuzumga aylanishga urinayotgandek.

Merkel deydiki, tomonlar bir-biriga tayanadigan kunlar ortda qolgandek tuyulayapti, ayniqsa so'nggi oylar ichida. ​

Germaniya va Yevropa o'z kelajagi uchun avvalo o'zi kurashishi kerak, deydi kansler. Ittifoqchilar bilan hamkorlikni kuchaytirish buning muhim bir qismi.

Tramp AQSh havo kuchlari bilan muloqotda, Italiya
Tramp AQSh havo kuchlari bilan muloqotda, Italiya

Tramp bilan muloqotdan keyin Yevropa rahbarlari Amerikaga oldingidek suyana olmasliklarini tushunib yetmoqda. Vashington ishonchli hamkor emas, deydi ular. Yevropa axborot vositalari va matbuotida chiqayotgan tahliliy maqolalardagi asosiy mavzu va xulosa shu.

Tramp safari rishtalarni yumshatadi, degan umidlar bor edi, deydi diplomatlar, ammo soatlab uchrashuvlarda Amerikaning yangi rahbari bilan deyarli hech kim til topisha olmadi. Savdo, xavfsizlik, Suriya, Rossiya, Ukraina va boshqa muhim masalalarda yakdillik kuzatilmadi.

Tramp qayerga bormasin, Amerika manfaatlari hamma narsadan ustun qo'yiladi, deya qayd etdi. Har bir davlat o'z manfaatlariga ega va o'zini o'ylaydi, deya tan oladi Yevropa rasmiylari, lekin hamkorlar bilan muloqot mushtarak manfaatlarga asoslanadi, buni unutmaslik kerak.

NATO, 25-may, 2017
NATO, 25-may, 2017



VIDEO: AQSh-Fransiya, Tramp Makron bilan uchrashdi

NATO, 25-may, 2017
NATO, 25-may, 2017

Yevropa va Amerika iqlim bilan bog'liq muammolar yuzasidan turlicha pozitsiyada. Katta Yettilik sammitida bu borada kelisha olishmadi. Qochqinlar masalasini qanday hal etish, shuningdek, Afrikadagi vaziyat, savdo va tijorat borasida ham olg'a siljish yo'q.

Prezidentlar va bosh vazirlar hatto suratga tushayotganida Trampdan uzoqroq turishga harakat qilganini hisobga olsak, deydi tahlilchilar, yirik davlatlar siyosiy murosadan juda yiroq.

Italiya, 27-may, 2017
Italiya, 27-may, 2017

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG