Iroq armiyasi Musul shahrini boy bergan "Islomiy davlat" jangari guruhi ustidan g'alaba e'lon qildi. Harbiy operatsiya muvaffaqiyatli yakunlanganini nishonlash uchun Bosh vazir Haydar al-Abadiy shaxsan o'zi shaharga borgan.
Biroq Musulda hanuz otishma va havo hujumlari davom etmoqda. Ayrim qishloqlarni jihodchilardan tozalash uchun Iroq armiyasiga koalitsiya kuchlari havodan yordam berib turibdi.
Musul - "Islomiy davlat" 2014-yilda bosib olgan eng katta shaharlardan. So'nggi uch yilda taxminan 900 ming odam u yerni tark etgan.
Jangarilar Musulning Dajla daryosi bo'yidagi kichik bir hududigacha siqib chiqarilgan ekan, Iroq rahbariyati ular yengilmoqda, deb o'tgan hafta mobaynida bir necha bor bayonot bergan edi. Ammo Musul tortib olinishi "Islomiy davlat" yo'q bo'ldi degani emas. Iroqda bir necha shahar hamon guruh nazoratida.
Facebook Forum