Breaking News

AQSh elchisi O'zbekiston rahbariga ishonch yorlig'ini topshirdi


Jorj Krol bundan oldin Belarusda elchilik qilgan. Toskentga tayinlanishidan oldin AQShning butun Markaziy Osiyo bilan aloqalariga mas'ul edi.
Jorj Krol bundan oldin Belarusda elchilik qilgan. Toskentga tayinlanishidan oldin AQShning butun Markaziy Osiyo bilan aloqalariga mas'ul edi.

5 iyul kuni AQShning Toshkentdagi yangi elchisi Jorj Krol Oqsaroyda O'zbekiston rahbari Islom Karimovga ishonch yorlig'ini topshirdi.

Qariyb 30 yillik diplomatik tajribaga ega Krol 4 iyul, AQSh mustaqillik bayrami oldidan O'zbekiston rasmiylari va jamoat vakillari oldida so'zlab, aloqalarni mustahkamlash uchun tayyor ekanini izhor etgan edi.

O'zbekiston bu yil mustaqillikning 20 yilligini nishonlaydi. Elchi fikricha "suveren davlat sifatida o'zi tanlagan yo'ldan ketayotgan O'zbekiston" sinovli davrni boshdan kechirmoqda.

"Аmerika o'z vaqtida mashaqqatli yo'lni bosib o'tganiday, O'zbekiston ham kuchli, farovon, demokratik davlat qurishda shunday qiyinchiliklar bilan yuzma-yuz kelmoqda",- dedi Krol o'z nutqida.

AQSh elchisi O'zbekiston rahbariga ishonch yorlig'ini topshirdi
AQSh elchisi O'zbekiston rahbariga ishonch yorlig'ini topshirdi

Elchining qayd etishicha, Amerika O'zbekiston xalqi singari tinchlik va erkinlik tarafdori hamda baxt va saodatli hayot uchun birgalikda mehnat qilishga bel bog'lagan.

Bugun Oqsaroydagi uchrashuvda tomonlar aloqalarni rivojlantirish zamon talabi ekanini eslatgan. O'zbekiston Amerikadan sarmoya so'rab keladi.

Jorj Krol elchilikka tayinlanish uchun Senat tasdig'idan o'tar ekan, may oyida Kongressda qonunchilarning savollariga javob bergan edi.

O'zbekiston bilan hamkorlik ortidagi maqsad ezgu, deydi Krol, xavfsizlik, huquq va demokratiya, iqtisodiy taraqqiyot va siyosiy-ijtimoiy islohotlar yo'lida birga ishlash.

AQSh elchisi O'zbekiston rahbariga ishonch yorlig'ini topshirdi
AQSh elchisi O'zbekiston rahbariga ishonch yorlig'ini topshirdi

Krol, AQShning Markaziy Osiyo bo'yicha bosh diplomati lavozimida, O'zbekistonda bir necha bor bo'lib, respublika rahbariyati va nohukumat tashkilotlar xodimlari hamda faollar bilan gaplashgan.

"Amerika Ovozi" bilan suhbatlarida diplomat O'zbekistonni Markaziy Osiyoning yuragi, Vashington uchun strategik jihatdan muhim davlat deb tasvirlab keladi. Bugun aloqalar ko'proq Afg'onistondagi vaziyat bilan bog'liq ekanini tan oladi.

“O’zbekiston mintaqa xavfsizligi va farovonligi hamda qo’shni Afg’onistonda tinchlikdan manfaatdor. Respublika rahbariyati bilan gaplashganimizda buni ochiq aytishadi. Shimoliy ta’minot tizimi, Afg’onistonga noharbiy yuk tashiladigan yo’nalish O’zbekistondan o’tadi. Bu hamkorlikni qadrlaymiz va respublikadan minnatdormiz. O’zbekiston Afg’onistonni elektr quvvati bilan ta’minlamoqda. Respublika buni biz uchun emas, o’z manfaati uchun ham qilayotganini biladi”, - degan elchi may oyida Senatda gapirar ekan.

Prezident Islom Karimov
Prezident Islom Karimov

“Biz bu davlat rahbariyatini huquq va erkinlikni ta’minlashga, fuqaro jamiyatiga tazyiqlarni bas qilishga undab kelayapmiz va men elchilikka tasdiqlansam, bu ustuvor masalalardan biri bo’ladi”.

Jorj Krol o'zbek va rus tillarini biladi. 2003-2006 yillarda Belarusda elchilik qilgan.

O'zbekiston-AQSh aloqalari o'tgan ikki yil ichida ancha oldinga siljidi, asosan Afg'oniston yuzasidan hamkorlik hisobiga.

Diplomatlar yillik maslahatlashuv va muntazam muloqot meva bermoqda deydi, lekin xalqaro huquq muassasalari va fuqaro jamiyati a'zolari nazarida Amerikaning butun diqqati Afg'onistonda ekan, O'zbekistonda davom etayotgan repressiyaga ko'p jihatdan ko'z yumilmoqda.

Yaqinda Human Rights Watch, Amerikada asoslangan huquq tashkiloti, siyosiy bosim ostida Toshkentdagi vakolatxonasini yopdi.

Vashington rasmiy hisobotlarida O'zbekistondagi vaziyat tashvishlanarli deya tilga olinadi. Qo'shma Shtatlar nazarida respublika matbuot va so'z erkinligi bobida dunyodagi eng cheklangan jamiyatlardan biri.

O'zbekistonning AQShdagi elchisi Ilhom Ne'matov bo'lib, u o'tgan yili mart oyida prezident Barak Obamaga ishonch yorlig'ini topshirgan edi.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG