Breaking News

Prezident Donald Tramp Shimoliy Amerika Erkin Savdo Bitimini bekor qilish kerak deya bong urar ekan, Kanada, Meksika va Qo’shma Shtatlar bo’ylab xavotir avj olgan. Tuppa-tuzuk hamkorlikni yo’q qilishdan ne foyda, deya so’raydi ko’plab mutaxassislar. Boshqalar nazarida esa Oq uy safsatabozlik qilmoqda xolos, bitimdan voz kecha olmaydi.

AQSh yaqin qo'shnilari bilan erkin savdo bitimidan chiqadimi?
Iltimos, kuting...

No media source currently available

0:00 0:04:09 0:00
Amerika NAFTAsiz yashay oladimi?
Iltimos, kuting...

No media source currently available

0:00 0:02:52 0:00

Yaqinda Kanada Bosh vaziri Jastun Trudoni mehmon qilgan Prezident Tramp qisqacha NAFTA deya tanilgan uzoq yillik kelishuvni azaldan tanqid qilib keladi.

“Biz uni qayta tuzamiz, yangicha murosa asosida. Jastin buning sabablarini tushunadi. Kelisha olmasak, bekor bo’ladi. Lekin ulkan zarar yetmaydi. Baribir hamkormiz. Savdo-sotiq to’xtab qolmaydi”, - deydi Tramp.

Lekin kelishuvni yo’qqa chiqarish oson emas. AQSh Tijorat Palatasiga ko’ra, NAFTA davlat iqtisodi uchun nihoyatda muhim omil. 14 million ish o’rni u bilan bog’liq.

Baltimordagi bu texnologiya kompaniyasi singari yana 125 dan ortiq kichik va o’rta biznes o’z mahsulotlarini Kanada va Meksikaga chiqaradi. Ular erkin savdo bitimi tarafdori.

“NAFTA sabab biz raqobatbardosh kompaniyamiz", - deydi Piter Bovi, "Ellicott Dredges" rahbari.

"Qay davlatga mahsulot eksport qilsak, o’sha yerda ishonch qozonganmiz, sodiq sheriklarimiz bor. Meksika va Kanadaga bu bitimdan oldin bunchalik ko’p tovar uzatmas edik.”

AQSh va Kanada rahbarlari, Oq uy, 11-oktabr, 2017
AQSh va Kanada rahbarlari, Oq uy, 11-oktabr, 2017

Xalqaro Valyuta Fondiga ko’ra, NAFTA kabi hamkorlik mamlakatlarda xalq turmushini yaxshilagan, yangi ish o’rinlari yaratgan, yangi bizneslarga turtki bergan.

“O’tgan 10 yil mobaynida bu hamkorlik ulkan foyda keltirdi. Sarmoya oshdi, iste’mol ko’lami o’sdi, savdo kengaydi”, - deydi Kristin Lagard, fond rahbari.

Kasaba uyushmalari esa maosh ozaydi, deya bitimni qoralab keladi.

“Meksikada oylik 25 yil oldingidan pastroq. Biror jihatdan ijobiy ta’sir qilmagan. “Goodyear” kompaniyasi masalan soatiga 1 dollar 78 sent to’laydi. 2017-yilda shu maoshga yashab bo’ladimi? Dahshat bu! Arzon ishchi kuchi deb xursand bo’laylikmi?”

Kanada, Meksika va AQSh - Shimoliy Amerika Erkin Savdo Bitimi a'zolari
Kanada, Meksika va AQSh - Shimoliy Amerika Erkin Savdo Bitimi a'zolari

“Global Trade Watch” degan nohukumat tashkilot jarayonni yaqindan kuzatadi. Xususiy sektor lobbichilari, deydi bu uyushma rahbari Lori Vollak, bitimsiz iqtisod o’ladi degan vahima urug’ini sochib kelmoqda.

“NAFTAni yangilasak yaxshi bo’lardi. Shunday kelishuv bo’lsinki, unda ishchilarning maoshlari muntazam ravishda oshishi kafolatlansin. Erkin savdo oddiy xalqqa manfaat keltirsin. NAFTAsiz yashay olamiz, albatta. Lekin uning o’rniga mukammalroq, kuchliroq shartnoma tuzaylik”, - deydi Vollak.

NAFTAni bekor qilish yirik ishlab chiqaruvchilarning faoliyatiga va shu tariqa biznesga zarba bo’ladi. Kanadaning iqtisodchi olimlari mamlakat dollarining qadri tushib ketadi, deya ogohlantirmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG