Falastin tinchlik muloqotida qatnashmasa, AQSh ko'makni kesadi

  • Amerika Ovozi

Falastin rasmiylarining aytishicha, Prezident Donald Tramp ko’makni kamaytirishni po’pisa qilib, falastinliklarni qo’rqita olmaydi.

AQSh rahbari bizning tinchlik, erkinlik va adolat izlab qilayotgan harakatlarimizga bolta urdi, deydi Hanan Ashraviy, endi esa o’z qarorining oqibatlari uchun falastinliklarni ayblamoqda.

Donald Tramp fikricha, u Quddusni Isroil poytaxti sifatida tan olib, muzokaraning eng chigal qismini hal qildi. Ammo, deydi u, Falastin tinchlik muloqotidan bosh tortar ekan, AQSh ularga moliyaviy yordamni ham to’xtatadi.

AQShning BMTdagi elchisi Nikki Xeyli buni tasdiqlamoqda.

“Falastinliklar muzokara stoliga qaytmaguncha ularga qo’shimcha madad berilmaydi yoki yordamni butunlay kesamiz. BMT Bosh Assambleyasining Quddus bo’yicha qarorimizni qoralagan rezolyutsiyasi ham yodimizda. Tinchlik jarayoni oldinga siljishi kerak, aks holda Falastin ko’makdan quruq qoladi”, - deydi AQSh elchisi.

Falastin Prezidenti Mahmud Abbosga ko’ra, Qo’shma Shtatlar elchixonasini Tel-Avivdan Quddusga ko’chirish rejasi bilan o’zini vositachilik huquqidan ayirdi.

Bosh Assambleya o’tgan oy qabul qilgan hujjatda Quddus Isroilga tegishli emasligi, shahar maqomi muzokara orqali hal bo’lishi qayd etilgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG