Trampning Vashingtondagi hayoti oson kechmayapti

  • Amerika Ovozi

Prezident Donald Tramp xorijda ham, o'z vatanida ham murakkab siyosiy vaziyat bilan to'qnashmoqda. Bundan tashqari, o'z partiyadoshlari va jurnalistlar bilan aloqasi yaxshi emas.

U qilayotgan mehnatlari yaxshi qadrlanmayotganidan norozi.

"Vatanimizga ishonch qaytdi, uzoq yillar bunday bo'lmagan edi", - deydi u.

Tramp o'tmishidan ko'ra bugungi hayotini afzal ko'rishini aytadi.

"Juda yaxshi hayot kechirdim. Lekin hozirgi hayotim avvalgisidan yaxshi. Chunki odamlarga yordam beryapman", - deydi prezident.

Tramp respublikachi senator Bob Korker bilan "Twitter"dagi olishuvini davom ettirmoqda. Jurnalistlarni ham yoqtirmaydi.

"Matbuot xohlagan narsasini yoza olishi odamning jig'iga tegadi. Odamlar buni bilishi kerak", - deydi u.

Davlat rahbari endi soliq tizimini isloh qilmoqchi. Demokratlar bunga keskin qarshi.

"O'rta qatlamning solig'ini kamaytiryapmiz, deyishdi. Aslida boylar uchun bu", - deydi senator Chak Shumer.

Vaziyat o'gir, ammo Tramp sodiq tarafdorlariga tayanmoqda, deydi respublikachi strateg Jon Fiyeri.

"U hanuz mashhur. U Vashingtonning hanuz obro'siz ekanini biladi. Respublikachilar tarafdorlari matbuotni yoqtirmasligini ham yaxshi tushunadi", - deydi u.

Ammo, deydi Fiyeri, Trampning raqiblari bilan ham, ittifoqchilari bilan ham olishishi muammo.

"Uning hozir eng katta muammosi shuki, matbuot uni yoqtirmaydi. Respublikachilar partiyasiga ham u ma'qul emas. Demokratlar, tabiiyki, uni yomon ko'radi. Shu bois uning ishlashi qiyin bo'lyapti. Beqaror tabiati yana bir muammo", - deydi ekspert.

Bu muammolarga qaramay, Tramo ashaddiy tarafdorlari qo'llab-quvvatlovidan umidvor, deydi tahlilchi Metyu Dallek.

"Saylovchilarning 38 foizi, Respublikachilar partiyasining 80 foizdan ortig'i uning ashaddiy tarafdori. Shu bois unga qarshi chiqadigan respublikachilar ko'p bo'lishi qiyin", - deydi u.

Ammo so'nggi bir so'rovga ko'ra, bir qator shtatlarda, xususan, Pensilvaniyada Trampning tarafdorlari kamayib bormoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG