Breaking News

BMT Qunduzda tinch aholi o'limini tekshirmoqda


Qunduz kasalxonasi
Qunduz kasalxonasi

BMT Afg'onistonnning Tolibon nazorati ostidagi tumanida olib borilgan harbiy harakatlarda asosan begunoh odamlar o'lgani yuzasidan tekshiruv boshlagan.

Dasti Archi nomli qishloqda yaqinda o'nlab fuqarolar dafn etilgan, jumladan, bolalar. Ular Afg'oniston armiyasi hujumlaridan halok bo'lgan, deydi oqsoqollar.

Hukumat kuchlari qishloqdagi madrasa va masjidni nishonga olgan.

50 dan oshiq insonning yostig'i qurigan, kamida 150 kishi jarohatlangan.

Mahalliy rasmiylar voqea yuzasidan bayonot bermagan.

BMTning Afg'onistondagi idorasi barcha tomonlarga fuqarolar hayotiga tahdid solmaslik shartini eslatmoqda. Tashkilot Qunduzdagi vaziyatni o'rganmoqda, deydi BMT ekspertlari.

Diplomatlar harbiy harakatlar aholi hayotini xavf ostiga qo'yayotganini qoralamoqda. Pokistonning Afg'onistondagi elchixonasi ogohlikka undab bayonot chiqargan.

Mudofaa vazirligi esa Qunduzdagi voqeada begunoh odamlar o'ldi degan iddaolarni inkor etmoqda. Havo hujumlari ishonchli manbalarga asoslanib olib borilgan va u yerda jangarilar yo'q qilingan, deya bildiradi vazirlik. Nishonga olingan obyektlar Tolibon trening markazi bo'lgan, deydi rasmiylar.

Dushanba kuni yuz bergan bu voqeani sobiq prezident Hamid Karzay ham qoralab chiqqan. Terrorizmga qarshi kurash deb davlat o'z aholisini o'ldirmoqda, deydi u.

Tolibon 2015-yildan beri Qunduzning ayrim qismlarini nazoratida ushlab turibdi. Jangarilar aholini ezib, o'tgan yillarda minglab odamni o'ldirgani aniqlangan.

BMTga ko'ra, 2017-yilda Afg'onistonda turli harbiy harakat va janglarda 10 mingdan oshiq odam jon bergan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG