Fuqarolari AQShga kirishi man etilgan davlatlar 8 ta bo'ldi

  • Amerika Ovozi

Prezident Donald Tramp sakkiz davlat fuqarolarining AQShga kirishini cheklovchi yangi farmonga imzo chekdi. 2017-yil 18-oktabrdan kuchga kiradigan yangi qoidalar Chad, Eron, Liviya, Shimoliy Koreya, Somali, Suriya, Venesuela va Yaman davlatlariga tegishli.

Rasmiylarga ko’ra, bu davlatlar AQSh bilan terrorizm va boshqa masalalar yuzasidan ma’lumot almashishdan bosh tortgan.

Bu farmon 90 kunlik avvalgi qarorning amal qilish muddati tugashi arafasida e’lon qilindi.

Oldingi chora Eron, Liviya, Somali, Sudan, Suriya va Yaman fuqarolarining AQShga kirishini taqiqlab qo’ygandi.

Amerika-Islom aloqalari kengashiga ko'ra, Tramp bu qarori orqali "oq tanli millatchilar g'oyasi"ni olg'a surmoqda.

O'tgan hafta London metrosidagi portlash ortidan Tramp Amerikaga kelayotganlarga nisbatan cheklovni yanada kuchaytirishga chaqirdi.

U "Twitter" sahifasida “Qoshma shtatlarga kirishni man etish chorasi yanada kuchliroq va qattiqroq bo'lishi kerak; ahmoqgarchilik shuki, buni siyosiy jihatdan noto'g'ri deyishadi”, deb yozgan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG