Breaking News

Mustaqillik yillarini yoshlar qanday sarhisob qilmoqda?


O’zbekiston mustaqillikning 22 yilligini nishonlamoqda. O’tgan ikki o’n yillik sarhisob qilinganida SSSR paytini tilga olmay, eski va yangi davrni qiyoslamay iloj yo’q.

Aholining asosiy qismini yoshlar tashkil etgani uchun ularning zamon haqidagi fikr-qarashlarini bilish muhim. Kelajak ular qo’lida.

Mustaqillikdan keyingi avlod, xususan 25 yoshgacha bo’lganlarga Sovet Ittifoqi tarix va hikoyalardan ma’lum, ammo 35-40 yoshdagilar u tuzumni totishga ulgurgan. Mustaqillik sizga nima berdi degan savolga shu bois mana shu avlod vakillari aniqroq javob bera oladi.

O’zbekiston mustaqil suveren respublikaga aylanganida 13 yoshda edim. Men singari pioner bo’lishga ulgurgan, hatto komsomol bo’laman deb yurgan yoshlar oldida kutilmaganda yangi yo’llar, imkoniyatlar ochilgan.

Tuzum qanchalik o’zgardi yoki o’zgarmadi? Hayot qanchalik osonlashdi yoki qiyinlashdi? Qanday yutuqlarga erishildi, qancha xatolarga yo’l qo’yildi?

Javob qanday bo’lishidan qat’i nazar yangi imkoniyatlar paydo bo’ldi, deydi “Amerika Ovozi” bilan suhbatlashgan yoshlar.

25 yoshga kirmaganlardan so'rasangiz, ular bugungi zamondan ko’p hollarda rozi emas. Ta’lim olish qiyinlashgani, qimmatlashgani, diplomli odamlar uchun tirikchilik qilish murakkab ekani, jamiyatda adolat yetishmasligi, halol mehnat qilib oila boqish mumkin emasligi haqida noliydi. Katta yoshdagilardan ham ko’p hollarda shuni eshitasiz.

Mustaqillikdan keyingi avlod vakillari bilan gaplashsangiz, ko’pchilik O’zbekistonni cheklovlarga to’la mamlakat deb ta’riflaydi. SSSR davri bilan qiyoslashga o’rgangan katta yoshdagilar esa respublikani dunyo tanigani, tashqi olam bilan aloqa o’rnatilgani, respublika bayrog’i jahon poytaxtlarida hilpirab turgani – ulkan yutuq, deydi.

Keksalar hozirgi muammolarni, ovozni pasaytirib bo’lsa-da, tan oladi, ammo endilikda tanlash imkoniyati mavjud ekanini eslatadi. Ko’p emas, ammo bor, deydi ular.


Mustaqillik yillari - O'zbekiston yoshlari/Ahad Abdurahmonov bilan suhbat - Navbahor Imamova
Iltimos, kuting...

No media source currently available

0:00 0:11:37 0:00
Yuklab oling

Suhbatdoshim Ahad Abdurahmonov, mustaqillik yillarida Amerikada tahsil olgan va bugungi kunda shu mamlakatda mehnat qilib, hayot kechirayotgan o'zbekistonlik, nazarida ko’p narsa odamning o’ziga bog’liq.

Istiqlolning ilk yillarida maktabni bitirgan, bilimga chanqoq va intiluvchan bolalar, chet elga borib o’qishni orzu qildi va buning uchun yaratilgan imkoniyatlardan foydalandi. Ularning bugungi hayoti ham shunga yarasha, deydi u.

Yetuk mutaxassislar, yosh professionallar chet elda emas, vatanda ishlasa, jamiyat tezroq rivojlangan bo’lar edi degan nolalarni ko’p eshitamiz. Avlodlar yangilanar ekan, usta kadrlarning o’rnini kim egallaydi, agar kerakli odamlar xorijni ma’qul ko’raversa, deya xavotirlar yangraydi. Ahad Abdurahmonov yaqinda O’zbekistonda bo’lganida bugungi manzara bilan ozmi-ko’pmi tanishdi. Uzilish sezilmaydi, deydi u, ammo chet elda ishlayotgan yetuk mutaxassislar vatanga qaytib, o'z sohasida ishlab, oilasini boqa olishi uchun zarur sharoit yaratilishi kerak.

Bugungi yoshlar avvalgidek tirishqoq emas, yengiltabiat va muvaffaqqiyat ortida qattiq mehnat yotishini anglamaydi degan tanqidlar yog’iladi.

Alisher Usmonovdek milliarder bo’lmoqchiman yoki falonchi model yoki yulduz mening idealim degan gaplarni ham ko’p eshitamiz. Orzuga ayb yo’q ammo yoshlar qiyinchiliklarga ham tayyor turishi lozim, deydi suhbatdoshim.

Ahad Abdurahmonov bilan muloqotni to'liq holda yuqoridagi audioda tinglang.

2012-yilgi tantanalarda olingan suratlar:

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG