Iroq rasmiylarining aytishicha, Bag’dod va janubdagi boshqa shaharlarda portlash ro’y berib, 72 odam o’lgan. Jarohat olganlar 130 dan ziyod.
Nosiriya ayniqsa ko’p talofat ko’rgan – ziyoratchilar nishonga olinib, 45 kishi jon bergan.
Iroqdagi xurujlar 72 odamni hayotdan olib ketdi
Bag’dodning Sadr tumanida ikki xuruj amalga oshirilib, ko’p o’tmay poytaxtning shialar yashovchi Kozimiya tumanida mashina portlab, o'nlab odamni hayotdan olib ketdi, deydi rasmiylar.
Ikki hafta oldin Bag’doddagi xurujlar 69 fuqaroning yostig’ini quritgan edi.
Bosh vazir Nuri al-Malikiyning shia hukumati sunniy vitse-prezident Tariq al-Hoshimiyni jinoiy to’dani moliyalaganlik, raqib siyosatchilarga qarshi suiqasdlar rejalaganlikda ayblab, qamashga ko’rsatma bergan edi.
Hoshimiy bu ayblovni rad etib, qisman muxtor Kurdistonga qochdi.
Malikiy uni Iroq adliyasiga topshirishni so’rasa, Kurdiston muzokaraga chaqirmoqda.