Prezident saylovlari bu mamlakatda shu yilning 6-noyabrida bo'lib o'tadi. Omma fikri har hafta o'rganilib, nomzodlarning ko'zi reytinglarda. Bu oy oxirida Respublikachilar Partiyasi, sentabr boshida esa Demokratik Partiya saylovoldi qurultoyini o'tkazadi. Nomzodlar aniq. Amaldagi rahbar Barak Obama va Massachussetts shtati sobiq gubernatori, multi-millioner tadbirkor, uzoq yillardan beri siyosiy sahnadan tushmay kelayotgan Mitt Romni. AQShda prezidentlikka da'vogar shaxs vitse-prezidentlik uchun ham nomzod tanlashi kerak. Bu borada odatda saylovdan 3-4 oy oldin e'lon qilinadi.