Birlashgan Millatlar Tashkiloti Bosh Assambleyasining yillik sessiyasida so'zlagan Barak Obama urg'uni Yaqin Sharqdagi qonli mojarolarga berdi. Dunyo ahlini hamjihatlikka, oshkoralik, mas'uliyat va kengroq fikrlashga chaqirdi. Yaqinda musulmon olamini oyoqqa turg'izgan video diniy haqoratdir, deydi u, ammo odamlarni o'ldirish uchun asos emas. Nasroniylar va yahudiylar, qolaversa, boshqa e'tiqod egalari ham doimiy tarzda haqoratlanadi, xo'rlanadi va tazyiqqa uchraydi. XXI-asrda ham insoniyat bir-birining dini, qarashlari va qadriyatlarini hurmat qilmasligi hammamiz uchun birdek sharmandalik, deydi u.