Bu yil prezident Barak Obama bergan farmonga binoan Amerikada hujjatsiz va ruxsatsiz yashayotgan millionlab muhojirlarning ayrimlari, xususan yoshlar vaqtincha deportatsiya qilinmaydi. Mamlakatda 11 milliondan oshiq noqonuniy immigrant bor. Aksariyati qora ishlar qilib kun ko'radi. Ularning arzon mehnatiga talab yetarli. Ko'plab shtatlarda hujjatsiz muhojirlarning farzandlari ilm olish imkoniyatiga ega. Amerikada voyaga yetgan yoshlar uchun vatan shu yer. Deportatsiya deganda ular qayerga deya hayron bo'ladi.