Breaking News

BMT: AQSh Falastin ahliga yordamni kamaytirishi fojia

  • Amerika Ovozi

G'azo sektori

BMTning falastinlik qochqinlar bilan ishlovchi agentligi (UNRWA) AQShni keskin tanqid qilib, uning qarorlari Yaqin Sharqni yanada notinch qiladi, deya ogohlantirmoqda.

BMT: Falastin ahliga bu yili kamida 800 million dollar kerak
Iltimos, kuting...

No media source currently available

0:00 0:02:26 0:00

Agentlik rahbari Piyer Kraenbul deydiki, AQSh mablag’ni kesgani sabab moliyaviy inqiroz boshlangan.

“O’tgan yili AQSh falastinliklarga BMT doirasida ko’mak berish uchun 360 million dollar ajratdi. Bu yili esa 60 million dollar berdi xolos. Bizning tashkilotimizga har yili 1,2-1,3 milliard dollar zarur. AQSh uning katta qismini qoplar edi”, - deydi rasmiy.

Prezident Donald Tramp Quddusni Isroil poytaxti deb tan olib, falastinliklarni yahudiy davlat bilan murosa qilishga undamoqda. Falastin ahli esa o’zini Isroil bosimi va tazyiqi ostida azob-uqubatda yashayotgan, o’z yurti tortib olingan, o’z yerida begona inson sifatida muomala qilinadigan xalq deb biladi.

Falastin bolalari
Falastin bolalari

Kraenbulga ko’ra, AQSh insonparvar davlat bo’lib qolishni istasa, falastinliklarni siyosiy jazolashni bas qilib, ocharchilik boshlanmasligi uchun chora ko’rishi lozim.

“BMT bu aholiga yordam ko’rsatmasa, kim ko’rsatadi? AQShdek boy davlat ularga madad ko’rsatmasa, kim ko’rsatadi?”, - deya so’raydi mutaxassis.

Falastin mustaqil davlat bo’lishni xohlaydi. AQSh buni quvvatlaydi lekin Falastin oldin Isroil bilan kelishib olishi kerak deb hisoblaydi.

BMT hozirda falastinliklar uchun global miqyosda mablag’ yig’ishni boshlagan. 800 million dollar kerak, 2018-yildagi gumanitar maqsadlar uchun.

Ga'zo sektori
Ga'zo sektori

G'azo sektori
G'azo sektori

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG