Markaziy Osiyoning ikki yirik davlatida o’zgarishlar davri. Qozog’istonda rahbar o’zgarishi nimaga yetaklaydi? Shu savol hozir G’arbda qizg’in muhokamada. Bu munozaralarda eng ko’p tilga olinayotgan haqiqat – O’zbekistonda Prezident Shavkat Mirziyoyev boshlagan islohotlar. Amerika va Yevropa tahlilchilari nazarida Mirziyoyev nafaqat O’zbekistonni balki butun mintaqani yangi zamonga yetaklay oladi, agar hozirgi yo’lda davom etib, konkret natijalarga erishsa. O’zbekiston yetakchi bo'lishi va real o’zgarishlar qilishi uchun xalq dadilroq harakat qilmog’i lozim, deydi ekspertlar. Qozog’istondagi yangilanish to’lqini aslida O’zbekistonga bosim - uni raqobatga, o’z kelajagi uchun qattiqroq kurashga chorlasa ajab emas.