Breaking News

Sanksiya ketidan Kuba AQShni ichki ishlarga aralashayotganlikda aybladi


Kuba Tashqi ishlar vaziri Bruno Rodrigez

Kuba AQShni Vena konvensiyasini buzganlikda ayblab, ikki davlat orasidagi "shundoq ham cheklangan aloqalarga raxna solmoqda", deya qoralamoqda.

Vashington esa Kubaga Venesueladan boradigan yonilg'i ta'minotini uzishni maqsad qilgan sanksiyani e'lon qildi.

Kuba Tashqi ishlar vaziri Bruno Rodrígez Amerikani aynan nimada ayblayotganini tushuntirmagan. Lekin uning tvit qilishicha, AQShning Gavanadagi elchixonasi mamlakatning ichki ishlariga aralashmoqda. Tomonlar 2015-yilda diplomatik aloqani tiklab, har ikki poytaxtda elchixonalarini qayta ochgan edi.

AQSh Moliya vazirligi Kubaning "Corporacion Panamericana S.A." degan biznesini jinoiy kompaniya deb e'lon qilib, qora roy'xatga kiritdi. Chunki, deydi Amerika rasmiylari, bu korporatsiya Venesuela bilan hamkorlik qilmoqda.

Kubaning "Cubametales" davlat kompaniyasi ham sanskiya ostida. Bu biznes ayrim ishchilarini "Panamericana"ga o'tkazgan edi, endi esa u ham sanksiyaga uchragan.

Tramp ma'muriyati Kuba hukumatini, shuningdek, u bilan hamkor Venesuelani kommunistik mafkurani targ'ib qilib, o'z xalqlarini ezayotganlikda ayblab keladi. Har ikkisining rahbariyatini Prezident Tramp g'animlar deb biladi.

Hozirda AQShdan faqat Gavanaga uchish mumkin xolos. Kubaning qolgan qismlariga borish mumkin emas.

Yanada qattiqroq choralar kuting, deya ogohlantirmoqda Oq uy.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG