Breaking News

Jeneva: O'zbekiston, Xalqaro Mehnat Tashkilotiga darvozani oching


Xalqaro Mehnat Tashkiloti Jenevada yillik sessiyaga yig'ilgan. Butun dunyodan vakillar to'plangan.
Bugun Jenevada Xalqaro Mehnat Tashkiloti (ILO) majlisida O'zbekiston hukumatidan paxta dalalarida bolalar va kattalarni majburlab ishlatishni bas qilish so'raldi.

Copy of CR - NI ILO Uzbekistan
Iltimos, kuting...

No media source currently available

0:00 0:01:44 0:00
Yuklab oling

Vakillar yillik sessiyaga yig'ilgan. Tashkilotning Me'yorlar bo'yicha qo'mitasida (Committee on the Aplication of Standards) yangragan bayonotlarda respublika xalqaro mehnat tamoyillari va normalariga rioya qilishi shart deya eslatildi.

Majlisdan keyin "Ezgulik" inson huquqlari jamiyati rahbari Vasila Inoyatova masala dunyo ahli nazaridan chetda qolmayotganini aytib, majburiy mehnatga qarshi kurashayotgan tomonlarni olqishladi.

Faol deydiki, oddiy ishchilardan tortib hukumatlargacha, bu harakatga qo'shilgan tomonlar Xalqaro Mehnat Tashkiloti O'zbekistonda bu yilgi paxta terimini yaqindan kuzatsin degan talabni qo'yib, to'g'ri ish qilmoqda.

O'tgan yili dalalarda Navro'z Muysinov, Igor Yachkevskiy, Aziz Baxtiyorov va Umid ismli fuqarolar halok bo'lgan va ularning o'limi tergov qilinishi kerak, deydi Vasila Inoyatova.

Majlisda Germaniyadan kelgan ishchilar guruhi va muallimlar O'zbekiston hukumatini sistematik tarzda xalqaro qonunlarni buzib kelayotganlikda tanqid qilgan.

Majburiy mehnat amalda man etilmaganini ayni damda ekinzorlarda ko'rish mumkin, deydi faollar. Odamlar chopiqqa zo'rlab olib chiqilmoqda. 19-aprel kuni, huquq himoyachilarining aytishicha, Namangan viloyatida yetti dehqon paxta emas, piyoz ekkani uchun do'pposlangan.

Paxta yurtning boyligi deya odamlarni ezish, ularning turmushini qiyinlashtirish, sog'lig'iga e'tibor bermaslik va ta'lim sohasini chetga surib, o'quvchi va muallimlarni dalaga yoppasiga haydash mahalliy va xalqaro qonunlarga ziddir, deya eslatadi bugun Jenevada gapirgan Indoneziya vakillari.

Yig'inda O'zbekiston rasmiylariga ham so'z berilgan. Ularning qayd etishicha, 2012-yilda paxta dalalariga bolalar umuman olib chiqilmagan. Kattalarni majburlab ishlatish borasida ular og'iz ochmagan.

Xalqaro Savdo Ittifoqi va Xalqaro Ishchilar Tashkiloti nazarida O'zbekiston asossiz raddiyalari bilan hech narsaga erisha olmaydi. Agar bu borada biror muammo yo'q bo'lsa, nega hukumat chetdan kuzatuvchi kiritmayapti, masalan, Xalqaro Mehnat Tashkilotini, deya so'raydi bugungi majlisda ishtirok etgan faollar.

BMT qoshidagi bu organ respublikaning dushmani emas, aynan mehnat masalalari bilan shug'ullanadigan tashkilot, deydi ular.

Vakillar talabi shuki, O'zbekiston 1-avgustgacha Xalqaro Mehnat Tashkilotini taklif etishi va unga paxta terimini kuzatishi uchun sharoit yaratib berishi kerak.

AQShdan borgan vakillar ham bu talabni quvvatlab, Vashingtonni Toshkentga nisbatan bosimni oshirishga undamoqda.

Xalqaro Mehnat Tashkiloti o'z vazifalarini sidqidilgan, xolis va professional ravishda bajarib, dunyo ishonchini qozongan organ, deydi Amerika rasmiylari. Tashkilot respublika bilan hamkorlik qilishga shay. Karimov ma'muriyati uni qabul qilishi lozim, deya murojaat qildi diplomatlar bugungi majlisda.

Xalqaro Mehnat Huquqlari Forumi ta'biricha, O'zbekiston hukumati mahalliy huquq himoyachilari va fuqaro jamiyatiga bemalol ishlash uchun imkon bersa, bu ilk ijobiy qadam bo'ladi.

G'arbda bugungi kunda Paxta kampaniyasi (Cotton Campaign) degan guruh vujudga kelib, bu harakat O'zbekiston paxtazorlarida majburiy mehnatga qarshi kurashishni maqsad qilgan. Unga kasaba uyushmalari, huquq tashkilotlari, kompaniya va bizneslar, shuningdek, siyosiy doiralar ham qo'shilgan.
  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 900 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

XS
SM
MD
LG