Breaking News

Neft, gaz va savdo... Turkmanistonda energetik anjuman


Turkmaniston rahbari Qurbonguli Berdimuhammedov mamlakatning asosiy boyligi bo'lmish tabiiy gazga xaridorlar qancha ko'p bo'lsa, shuncha yaxshi deydi
Turkmaniston rahbari Qurbonguli Berdimuhammedov mamlakatning asosiy boyligi bo'lmish tabiiy gazga xaridorlar qancha ko'p bo'lsa, shuncha yaxshi deydi

Ashgabatda o'tayotgan xalqaro energetik yig'inni Yevropada Xavfsizlik va Hamkorlik Tashkiloti uyushtirgan.

A'zo davlatlardan siyosatchilar va diplomatlar, mutaxassislar va sarmoyadorlar to'plangan. Tashabbus ortida, deydi rasmiylar, tashkilotning hozirgi raisi Litva va albatta, mezbon Turkmaniston rahbariyati turibdi.

Trans-korporativ savdo va hamkorlik, ya'ni energetika bozorini tebratayotgan bizneslar orasidagi aloqalarini yaxshilash, yangi loyihalar va muqobil quvurlar va xavfsizlik - anjumanda mana shu masalalar muhokamada.

Yonilg'i qaziladigan va ishlab chiqariladigan, olib o'tiladigan va mahsulotni iste'mol qiladigan mamlakatlarning bugungi ehtiyoj va talablari ko'rib chiqilmoqda.

Neft, gaz va savdo... Turkmanistonda energetik anjuman
Neft, gaz va savdo... Turkmanistonda energetik anjuman

"Litva raislikni qo'lga olayotganida shunga ahd qilganmizki, energetika ta'minoti va xavfsizligi ustuvor masalalardan biri bo'ladi. Xalqaro muloqotni yaxshilash kerak",- deydi Evaldas Ignatavisius, Litva Tashqi ishlar vaziri o'rinbosari.

Turkmaniston Vazirlar mahkamasi rais o'rinbosari Baymurod Xo'jamuhammedov deydiki, uning davlati tabiiy gaz xaridorlarini ko'paytirishga va mahsulotni sotishninig yangi yo'llarini muhokama qilishga tayyor.

Ma'lumki, Markaziy Osiyo yonilg'isi, neft yoki gaz, jahon bozoriga Rossiya orqali olib chiqiladi. Davlatlar va xaridorlar mana shuni o'zgartirishga harakat qilmoqda.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG