Breaking News

Hisobot: Amerika Afg'onistonda ishni eplolmadi


Helmand viloyati eng notinch hududlardan biri

16 yildan beri Afg'onistonda tinchlikka erishishga harakat qilayotgan AQSh bugunga kelib ham muvaffaqiyat da'vo qilolmaydi. Vaziyatni ko'rib chiqqan maxsus inspektor idorasi shunday xulosa qilmoqda.

Hozirda u yerda 11 ming qo'shinga ega Amerika misli ko'rilmagan darajada o'q-dori ishlatib ham jangarilarni qonli xurujlardan to'xtata olmayapti.

Maxsus operatsiyalar davom etmoqda. Mahalliy qo'shinlar treningdan o'tkazilmoqda. Iqtisod va bosha sohalarda yordam davom etmoqda.

Qoradori savdosiga qarshi 8,7 milliard dollar sarflangan, lekin afyun ishlab chiqarish o'tgan yili 87 foiz, yetishtirish esa 63 foizga oshgan.

AQSh va Afg'oniston mineral zaxiralarini qazish borasida real rejaga ega emas. Vaholanki, aynan shu yo'nalishda daromad katta bo'ladi deb kutilgan edi. Iqtisodiy vaziyat tang. Milliy byudjet 6,5 milliard dollarga teng. Amerika ko'magiga qaramasdan rivojlanish barcha jabhalarda sust.

Kobul
Kobul

2017-yilning oktabridagi manzaraga ko'ra, Tolibon mamlakatdagi tumanlarning 14 foizini bevosita yoki bilvosita nazorat qilgan.

Hukumat toliblar egallab olgan tumanlarga o'z kuchini o'tkaza olmayapti. Faroh viloyati, masalan, janubi-g'arbdagi jangari o'chog'iga aylanish arafasida. Taxminan, 6000 tolib hozir u yerda harakatda.

Ommaviy so'rov natijalariga ko'ra, aksariyat afg'onlar toliblar va hukumat murosa qilishi kerak degan fikrda.

Respondentlarning 16 foizi Tolibon tomonida ekanini aytgan.

Jurnalistlarga qilingan 167 qonli hujumdan 40 foizida jangarilar ayblangan, 37 foizida esa hukumat.

Deyarli har hafta qayerdadir qurolli xuruj, o'nlab odamlar halok bo'ladi. Maktablar va boshqa ilm dargohlari, davlat idoralari, jamoat joylari, xususan bozorlar va savdo markazlari nishonda.

Ularning aksariyatida Tolibon yoki "Islomiy davlat" gumon qilinadi va ko'p hollarda ular bu ishlarni o'zlari tan oladi.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG