Ayrim mutaxassislar nazarida AQSh qo'shinlarini kelasi yili Afg'onistondan olib chiqqandan so'ng Yangi Ipak Yo'li tashabbusiga qiziqish so'nadi. Qo'shma Shtatlar esa iqtisodiy taraqqiyotni Afg'oniston barqarorligini ta'minlashdagi muhim omil deb biladi. Xalqaro tashkilotlar nazarida esa Markaziy Osiyoda Amerika ishtirokisiz ham qator mintaqaviy loyihalar ishlamoqa, ular respublikalarni integratsiya tomon yetaklamoqda va Afg'oniston ham bu jarayonga qo'shila oladi, agar tinchlikka erishilsa. Bu murakkab masala, Yangi Ipak Yo'li tashabbusi bilan bog'liq muammolar, uning kelajagi haqidagi fikr va tahlillar yaqinda Kongressda Xelsinki Komissiyasida muhokama qilindi.