Breaking News

AQSh-O'zbekiston: Strategik hamkorlikning yangi davri boshlanmoqda


Oq uy: O'zbekiston
Iltimos, kuting...
Embed

No media source currently available

0:00 0:11:54 0:00

Oq uy: O'zbekiston

16-may kuni Vashingtonda O‘zbekiston va AQSh rahbarlari uchrashdi. Donald Tramp va Shavkat Mirziyoyev Oq uyda muloqot qildi, keyin esa keng doirada muzokara kechdi. Kun oxiriga borib qo'shma bayonot e'lon qilindi. Unga ko'ra, ikki davlat orasida strategik hamkorlikning yangi davri boshlanadi.

Trampga ko'ra, AQSh O‘zbekiston mustaqilligi, hududiy yaxlitligi va suverenitetiga qat’iy sodiq. Uning fikricha, Mirziyoyev O‘zbekistonda siyosiy, iqtisodiy va ijtimoiy islohotlarni amalga oshirishda bel bog'lagan. O'zbekiston rahbarini xorijda ham, o'z yurtida ham chuqur hurmat qilishadi, deya maqtadi Tramp.

O‘zbekiston va Amerika orasida 2002-yilda imzolangan strategik hamkorlik bitimi keyinchalik, aloqalar sovishi sabab, chetga surilgan edi. Tomonlar hozirda juda iliq aloqada va sheriklikdan manfaatdor, deydi Oq uy rasmiylari.

Mirziyoyevning aytishicha, O‘zbekiston islohotlar yo'lidan qaytmaydi. Amerikadek buyuk davlat, deydi u, respublikaga bu jarayonda yaqindan va zarur yordam bera oladi.

Maqsad, deydi O'zbekiston prezidenti, davlat boshqaruvi tizimini takomillashtirish, qonun ustuvorligini ta’minlash va sud-huquq tizimini isloh qilish, iqtisodiyotni liberallashtirish, ijtimoiy taraqqiyot va konstruktiv tashqi siyosat olib borish.

Mirziyoyev Oq uyning Janubiy Osiyo bo‘yicha strategiyasini quvvatlar ekan, tomonlar Afg‘onistonda tinchlikni ta’minlash bo‘yicha hamkorlik kengayishini bildirdi. O‘zbekiston mintaqaviy integratsiya jarayonida faollashishi kutilmoqda, deydi AQSh rasmiylari.

Vashington nazarida Kobul-Toshkent aloqalari jadal va qo'shnilar orasida savdo-sotiq ko'lami oshgani sari imkoniyatlar maydoni ham kengayadi.

Mirziyoyevga ko'ra, Afg‘onistonga noharbiy yuk tashiladigan Shimoliy ta’minot tizimida O'zbekiston hissasi ko'payadi. O‘zbekiston va AQSh chegara xavfsizligini ta'minlash yuzasidan birga ishlaydi hamda qoradori savdoriga qarshi kurashni oshiradi. Ekstremizm va terrorizmga nisbatan chora ko'rishda ham bir yoqadan bosh chiqarishga kelishib olingan.

Mirziyoyev-Tramp: Yangicha hamkorlik boshlanmoqda
Iltimos, kuting...

No media source currently available

0:00 0:07:03 0:00

Amerika O'zbekistonda siyosiy mahbuslar ozod etilishini yuqori baholaydi, majburiy mehnat va qiynoqlar singari og'ir muammolarni bartaraf etish uchun qonuniy va amaliy choralar ko'rilmoqda.

Inson huquqlari, jumladan diniy erkinlik va matbuot erkinligi bobida oldinga qadamlar tashlanmoqda, deya ta'kidlanadi qo'shma bayonotda. "Amerika Ovozi" jurnalisti Navbahor Imamova yaqinda O'zbekistondan axborot uzatish uchun akkreditatsiya olgani bayonotda alohida tilga olinib, progress sifatida baholangan.

Amerikadan ta'lim sohasida yordam oshishi kutilmoqda, jumladan ingliz tilini o'rganish, huquqshunoslik va jurnalistika yo'nalishida.

O‘zbekiston va AQSh kompaniyalari orasida 4,8 milliard dollarga teng 20 dan ortiq yirik shartnoma imzolangan.

Vashington O‘zbekistonning Jahon savdo tashkilotiga a’zo bo‘lishini quvvatlaydi. Respublika o‘z savdo rejimini tashkilot normalariga moslashi kerak. Bu degani tizim liberallashadi, deydi rasmiylar.

  • 16x9 Image

    Navbahor Imamova

    Navbahor Imamova - "Amerika Ovozi" teleradiosining yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Tashkilotda gender va jurnalistika bo'yicha kengash raisi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for more than 20 years on TV, radio and online. Since 2018, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Master in Public Administration at Harvard University’s John F. Kennedy School of Government. Navbahor played a pivotal role in the launch of Uzbek television programming at VOA in 2003, and has since presented more than 1000 editions of the flagship weekly show, “Amerika Manzaralari” (Exploring America), which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and the Atlantic. Navbahor also is the founding President of the VOA Women’s Caucus. She began her career at Uzbekistan’s state broadcasting company in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

XS
SM
MD
LG