Breaking News

AQSh bosh diplomati Markaziy Osiyo tashqi ishlari vazirlari bilan nima haqda gaplashdi?


AQSh Davlat kotibi Mayk Pompeo Nyu-Yorkda Markaziy Osiyo tashqi ishlar vazirlari bilan muloqotni qildi, 22-sentabr, 2019

22-sentabr, 2019: BMT Bosh Assambleyasining yillik sessiyasi boshlanish arafasida AQSh Davlat kotibi Mayk Pompeo Nyu-Yorkda Markaziy Osiyo davlatlatlari tashqi ishlar vazirlari bilan uchrashib, xavfsizlik, kontrterrorizm, savdo va integratsiya xususida fikr almashdi.

Pompeo bu muloqotni imkoniyatlar haqidagi dialog deb atadi. Yig'inda Tramp ma'miriyati o'zi uchun ustuvor mavzularni eslatib qo'ydi.

Xususan, Pompeo Markaziy Osiyo hukumatlarini Xitoy bilan aloqalarda uyg'urlarni qurbon qilmaslikka chaqirdi, ya'ni bu elat vakillarini Pekin qo'liga topshirmaslikka undadi. Uyg'urlarni Xitoyga deportatsiya qilish Amerika bosh diplomati nazarida katta xato. Chunki, deydi u, Pekin terrorizmga qarshi kurashayotganini ro'kach qilsa-da, asl maqsadi bu kabi elatlarni va o'z dindagilarni "yo'q qilishdir".

C5+1, Markaziy Osiyoning besh davlati va AQSh ishtirokidagi forum, Nyu-York, 22-sentabr, 2019
C5+1, Markaziy Osiyoning besh davlati va AQSh ishtirokidagi forum, Nyu-York, 22-sentabr, 2019

Markaziy Osiyo hukumatlari, xususan O'zbekiston va Qozog'iston nazarida Xitoy xavfsizlik kuchlari Shinjon muxtoriyatida terrorizm va ekstremizmga qarshi chora-tadbirlar ko'rmoqda. Mintaqaning biror rahbari shu kungacha uyg'urlarni himoya qilib chiqmagan.

C5+1 - Markaziy Osiyoning besh davlati va AQSh ishtirokidagi muloqotga bundan besh yilcha oldin, Barak Obama prezidentligi davrida asos solingan. Mintaqaning turli shaharlarida, shuningdek, Nyu-York va Vashingtonda o'tgan yig'inlarda tomonlar regional birdamlik sari intilayotganini qayd etib keladi. Chegara xavfsizligi, chegara osha savdo, energetika, transport va kommunikatsiya, sayohat, ta'lim borasida hamkorlik qilish; madaniy va iqtisodiy rishtalarni mustahkamlash, shuningdek, qo'shni Afg'onistonga madadni oshirish borasida kelishib olingan.

C5+1, Markaziy Osiyoning besh davlati va AQSh ishtirokidagi forum, Nyu-York, 22-sentabr, 2019
C5+1, Markaziy Osiyoning besh davlati va AQSh ishtirokidagi forum, Nyu-York, 22-sentabr, 2019

Diplomatlar deydiki, bu ezgu maqsadlar sari shaxdam qadamlar tashlanmoqda. Masalan, O'zbekiston qo'shni davlatlar bilan uzoq payt yopiq turgan chegara postlarini hozirda ochgan. Tijorat kengaygan. Afg'oniston bilan oldi-berdi faollashgan. Biznes aloqalar jadallashgan.

Mintaqaviy ittifoq yoki blok tuziladimi degan savolga hozircha yo'q degan umumiy javob beriladi.

Amerika mintaqaviy integratsiyani quvvatlab keladi lekin biror tuzilma joriy etish borasida hozirgi C5+1 formati samarasini oshirishdan boshqa taklifi yo'q. Ya'ni, mintaqada biror blok tuzish-tuzmaslik besh davlatning o'ziga bog'liq. Muhimi, deydi Vashington rasmiylari, davlatlar ahil bo'lsin, o'zaro manfaatlar yo'lida birga ishlasin.

Mirziyoyev ma'muriyati har bir qo'shni bilan hamkorlikni kuchaytirishni asosiy vazifa deb belgilagan. Diplomatlar besh respublika Amerika hamrohligida va alohida muntazam muloqot yuritishdan har tomonlama manfaatdor ekanini aytadi.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG