Breaking News

AQSh Senatidan Markaziy Osiyo rahbarlariga maktublar


Bob Menendez Nyu-Jersi shtati senatori. 1993-yildan beri Kongress a'zosi. 14 yil Vakillar Palatasida xizmat qilgach, Senatga saylangan.

Tinch yo'l bilan faollik ko'rsatgan, davlatni va rahbariyatni erkin fuqaro sifatida savolga tutgan insonlar hech qachon panjara ortiga tashlanmasligi lozim, deydi AQSh senatori Bob Menendez. Demokrat qonunchi bu hafta Markaziy Osiyodagi 10 mahbus taqdiriga e'tibor qaratib, O'zbekiston, Qirg'iziston, Qozog'iston, Tojikiston va Turkmaniston rahbarlarini hozirgi pandemiya xavfini hisobga olgan holda bu insonlarni ozodlikka chiqarishga undadi. Menendez boshchiligidagi 12 senator, respublikachi va demokratlar, har bir respublika prezidentiga maktub yo'llagan. Menendezdan tashqari xatlarga imzo chekkanlar: respublikachi Mitt Romni, demokrat Dik Durbin, respublikachi Tom Tillis, demokrat Richard Blumental, respublikachi Rojer Uiker, demokrat Bob Keysi, demokrat Kirsten Jillibrend, demokrat Sherrod Braun, demokrat Patrik Lihi, demokrat Ben Kardin va demokrat Kris Van Xollen.

Qozog'istonda Aset Abishev va Maks Bokayev siyosiy muxolifat, ekologiya, inson huquqlari uchun hamda qiynoqlarga qarshi kurashgan.

Qirg'izistonda Azimjon Asqarov qamoqxonalardagi og'ir vaziyatni fosh etgan.

Tojikistonda jurnalist Daler Sharipov va huquqshunos Buzurgmehr Yorov adolat va haqiqat uchun jonbozlik ko'rsatgan.

Turkmanistonda Gulgeldi Annaniyozov huquq himoyachisi sifatida ishonch qozongan. Taksichi Mansur Mingelov esa qardoshlarining huquqlari buzilgani, ayrimlari organlar tomonidan qiynoqqa solingani haqida isbot-dalil to'plagan. Talaba Umurzok Umarkuliyev esa Turkiyadagi kursdoshlari bilan klub tuzib, vatan taqdiri haqida qayg'urgan.

O'zbekistonda Iskandar Xudoyberganov huquq faoli bo'lgan. Erkinlik va adolat haqida gapirgani uchun 2002-yilda konstitutsion tuzumga raxna solganlikda ayblanib, bir umrlik qamoq jazosiga mahkum etilgan.

Tadqiqotchi Akrom Malik esa, deya qayd etiladi senatorlar maktubida, oppozitsiya haqida izlangan, bu borada maqolalar yozgan.

AQSh Senati xulosasiga ko'ra, bu insonlarni insoniylik nuqtai nazaridan ham ozod etish kerak, chunki koronavirus yuqqan taqdirda ularning sog'lig'i dosh bera olmasligi mumkin.

Yuqorida nomi tilgan olingan mahbuslar haqida hukumatlar beradigan umumiy bayonot shuki, har biri sud tomonidan aybdor deb topilgan, shuningdek, ayrimlarining ishi yillar davomida apellyatsiya tartibida qayta ko'rilgan va sud hukmiga ko'ra qamoqda qoldirilgan.

Pandemiya davrida mahbuslarning salomatligi haqida gap ketganida O'zbekiston va qo'shni davlatlarning tegishli organlari koloniyalarda ehtiyotkorlik choralari qattiq va xavotirga o'rin yo'q, deb keladi.

Xususan O'zbekiston hukumatiga ko'ra, o'tgan uch yil ichida minglab mahbuslar insoniy sabablarni hisobga olgan holda hamda qilmishidan pushaymon ekaniga va yangicha hayot yo'lini tanlaganiga tizimni ishontira olgani uchun ozod etilgan, ya'ni afv etilgan.

Inson huquqlari bo'yicha mahalliy va xalqaro tashkilotlar AQSh senatorlari e'tibor qaratayotgan mahbuslar masalasini yillardan beri ko'tarib keladi. Kongress diqqatiga ham aynan shu harakatlar sabab tushgan.

  • 16x9 Image

    Navbahor Imamova

    Navbahor Imamova - "Amerika Ovozi"ning yetakchi multimedia jurnalisti. "Amerika Manzaralari" turkumidagi teledasturlar muallifi. Ko'rsatuvlar taqdim etish bilan birga prodyuser, muxbir va muharrir. O'zbekistonda akkreditatsiyadan o'tgan yagona amerikalik jurnalist. "Amerika Ovozi"da 2002-yildan beri ishlaydi. Jurnalistik faoliyatini 1996-yilda O'zbekiston radiosining "Xalqaro hayot" redaksiyasida boshlagan. Jahon Tillar Universiteti Xalqaro jurnalistika fakultetida dars bergan. Ommaviy axborot vositalari bo'yicha bakalavrlikni Hindistonning Maysur Universitetidan (University of Mysore), magistrlikni esa AQShning Bol Davlat Universitetidan (Ball State University) olgan. Shuningdek, Garvard Universitetidan (Harvard University) davlat boshqaruvi va liderlik bo'yicha magistrlik diplomiga ega. Jurnalistik va ilmiy materiallari qator xalqaro manbalarda chop etilgan. Amerikaning nufuzli universitetlari va tahlil markazlarida so'zlab, ma'ruzalar o'qib keladi. "Amerika Ovozi" oltin medali sohibi. Toshkent viloyati Bo'stonliq tumani Qo'shqo'rg'on qishlog'ida ziyoli oilasida ulg'aygan.

    Navbahor Imamova is a prominent Uzbek journalist at the Voice of America. As anchor, reporter, multimedia editor and producer, she has covered Central Asia and the U.S. for nearly 20 years on TV, radio and online. For the last year, she has also been reporting from inside Uzbekistan as the first-ever U.S.-based accredited correspondent in the country. During 2016-2017, she was a prestigious Edward S. Mason Fellow in public policy and management, while earning her Mid-Career Masters in Public Administration at Harvard University’s John F. Kennedy School of Government. Imamova played a pivotal role in the launch of Uzbek television programming at VOA in 2003, and has since presented over 800 editions of the flagship weekly show, “Amerika Manzaralari,” which covers American foreign policy focusing on Washington’s relations with Central Asia, as well as life and politics in the U.S. She speaks frequently on regional issues in Central Asia, as well as Uzbek politics and society, for policy, academic, and popular audiences. Her analytical pieces have been published in leading academic and news outlets including Foreign Policy, The National Interest, and The Atlantic. Imamova also is the founding President of the VOA Women’s Caucus. She began her career at the Uzbek state broadcaster in Tashkent. She holds a Bachelor of Arts in journalism and mass communication from the University of Mysore, India and a Master of Arts in journalism from Ball State University, Indiana.

Facebook Forum

Shu mavzuda

XS
SM
MD
LG