Breaking News

Jurnalistlar: Tolibon bizni ezib, erkinlikni cheklamoqda


Kobul ko'chalarida

Jurnalistlarga tegmaslikka so'z bergan Tolibon Kobulda "Tolo" telekanali xodimini do'pposlagan. Muxbir Ziyor Xon Yod poytaxt markazida unga hujum qilinganini aytmoqda. Uning kamerasi, mikrofon va boshqa texnik uskunalari olib qo'yilgan.

"Tolo" kanaliga ko'ra, Yod ishsizlik haqida material tayyorlayotgan bo'lgan.

“Nega menga tashlanishdi, bilmayman. Tolibon nima bilan band ekanimizni bila turib, shunday hamla qildi. Hech kim jazolanmaydi, bilamiz. Matbuot mana shunday tahdid ostida", - deydi Yod.

Tolibon rasmiysi Ahmadulla Vosiq bu voqea tekshirilayotganini aytgan,

“Jiddiy qarayapmiz, xavfsizlik idoralari bu masala ustida ishlayapti,” deydi Vosiq.

Kobulda bir guruh jurnalistlar Tolibonga qarshi namoyishga chiqqan. Besh matbuotchining uyi tintuv qilingan.

Tolibon bosh matbuot kotibi Zabihulla Mujohid deydiki, OAV hech qanday tahdid ostida emas, ammo ulardan mas'uliyatli ishlash kutiladi. G'arbga ishlaganlar jazolanmaydi, deydi Mujohid.

“U yer, bu yerda mayda hodisalar bo'lib turadi. Toliblar idoralaringiz yaqinida ko'rinib qolishi mumkin, ammo ular sizga tegmaydi, erkin ishlayvering", - degan edi Muhojid hafta boshida kechgan konferensiyada.

AQShdagi Xalqaro ayolar media fondi nazarida Tolibon yolg'onchi.

"Jurnalistlar tekshirilayotgani, tazyiqda ekani haqida bizda bir talay ma'lumot bor”, - deydi Nadin Hoffman, fond vakili.

20 yildan beri ishlab yurgan jurnalistlar bir kunda bedarak yo'qolgan, deydi Hoffman.

G'arb davlatlari jurnalistlarni ham evakuatsiya qilayotganini bidiradi, ammo hammani olib chiqib ketish qiyin ekanini ham tan oladi. Tolibon iskanjasidagi qolayotganlar esa nima qilishini bimayd sarson.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

Facebook Forum

XS
SM
MD
LG