Filadelfiya va uning atrofida sobiq sovet o’lkalaridan kelgan minglab muhojirlar yashaydi. Ularni bir joyga to’playdigan maskanlar bor - choyxona va restoranlar. Biroq haqiqat shuki, o’zbeklar uyda qozon qaynasin deydi. Restoranda o’tirish boshqa, o’z xonadoningizda bir dasturxon atrofida gurunglashib, non sindirish, ovqatlanish boshqa. Mehmon kelsa, uyning to’rida. Grin karta, Amerikada yashash va ishlashga ruxsat beradigan, ko’p hollarda lotereya o’ynab qo’lga kiritiladigan hujjat bilan kelgan o’zbekistonliklar davrasidamiz.