Robiya Qodir Xitoy siyosatini qoralagani uchun turmada o'tirib chiqqan. Amerika bosimi ostida ozod etilib, mana bir necha yildan beri shu yerda yashaydi. Uyg'ur ozodlik harakatining asosiy quvvatlovchisi ham Qo'shma Shtatlardir. Vashington va Pekin siyosiy-iqtisodiy jihatdan bir-biriga qanchalik kerak bo'lmasin, uyg'ur masalasi chetga surilgan emas, Amerika biz tomonda, deydi Robiya Qodir. Davlat departamenti, Kongress va bu yurt ahli uyg'urlar erkin yashasin deydi. Yevropa davlatlari, Amerika va Kanada, Avstraliya va dunyoning boshqa taraflarida istiqomat qilayotgan uyg'urlar bugun Robiya Qodir yetakchiligida birlashgan. Mag'rur lider bugungi vaziyat va xalq taqdiri haqida jo'shib, hissiyotlarga to'lib so'zlaydi.